Është vetëdorëzuar në polici, biznesmeni i shumëkërkuar Sokol Lami, 34 vjeç, banues në Tiranë. Ai u dorëzua një ditë më parë në Policinë e Tiranës, pasi ndaj tijGjykata ka caktuar masën e sigurisë ”Arrest me burg”, për veprat penale ”Krijimi i skemave mashtruese lidhur me tatimin mbi vlerën e shtuar”, ”Mospagimi taksave dhe tatimeve” dhe ”Falsifikimi i vulave, i stampave ose i formularëve”.
Lami është në mesin e një grupi biznesmenësh, për të cilët Krimi Ekonomik ka zbuluar skemën mashtruese, përmes të cilës ata i kanë shkaktuar një dëm ekonomik shtetit në vlerën 9 milionë dollarë.
Madje sipas hetimeve, Lami është një prej ideatorëve të skemës mashtruese. Sipas ekstraktit të QKR-së, Sokol Lami disponon 4 biznese, ndërsa më herët ai është ka rënë sërish në pranga po për për këtë akuzë.
Për këtë skemë mashtruese policia ka arrestuar 6 persona dhe ka shpallur në kërkim 5 të tjerë. Nga hetimi disa mujor rezultoi se këta persona kanë regjistruar subjekte tregtare në mënyrë fiktive, pa asnjë lloj aktiviteti, me qëllim tërheqjes e blloqeve Tatimore, duke lëshuar fatura TVSH-je shitje (fiktive) për subjekte të treta.
Lidhur me këtë krim ekonomik, veç biznesmenit Lami janë prangosur edhe:
-Dhimitraq Çelo, 23 vjeç
-Shkelqim Hasani , 50 vjeç
-Bujar Murataj , 31 vjeç
-Ruzhdi Murataj , 60 vjeç
-Indrit Sulaj, 30 vjeç
-Nevruz Lami , 36 vjeç
Në kërkim janë;
B.Gj
M.M
A.B
E. Sh
